داوای ئازادکردنی ده‌ستبه‌جێی ئارام به‌ختیار ده‌که‌ین!

ماوه‌ی زیاتر له‌ هه‌فته‌یه‌که‌ “ئارام به‌ختیار” په‌یامنێری ئین ئار تی، به‌بڕیارێکی دادگای لێکۆلینه‌وه‌ی که‌لار ده‌ستگیرکراوه، ‌ئه‌م بڕیاره‌ش به‌دوای ئه‌وه‌دا دێت که‌ناوبراو ڕاپۆرتێکی ڕۆژنامه‌وانی ‌له‌سه‌ر که‌یسی “عامر محمد خورشید”‌ بلاوکرده‌وه‌، که‌به‌هۆی “دزینی شیری منال و دایبی”ه‌وه‌، حکومی11سال زیندانی بۆ ده‌رکرا.

ئه‌م بڕیاره‌ بڕیاری ده‌سه‌ڵات‌ و سیسته‌مێکی قه‌زاییه‌ له‌کوردستاندا، که‌ له‌ژیر سایه‌ی ده‌سه‌ڵاتی میلیشیایدا به‌ریوه‌ ده‌چێت. سیسته‌مێکی قه‌زایی که‌ ڕه‌نگدانه‌وه‌ی‌ په‌یوه‌ندیه‌کی کۆمه‌لایه‌تی وسیاسی و ئابوری نایه‌کسان وپێچه‌وانه‌یه‌ به‌مافو ئازادیه‌کانی زۆرینه‌ی هاوڵاتیانی کوردستان، وسه‌راپا گه‌نده‌ڵه‌ هه‌ربۆیه‌ دزه‌ گه‌وه‌ره‌کانی له‌سه‌رو حوکمی یاساوه‌ داناوه‌ وله‌م‌ قه‌یرانو ته‌نگانه‌ ئابووریه‌دا که‌ هه‌ژاری و نه‌داری وبیکاری  نه‌بوونی خزمه‌تگوزاریه‌کان که‌مه‌ری خه‌ڵکی کوردستانی شکاندوه، ‌ ده‌ستی ده‌وڵه‌مه‌ندانو کاربه‌ده‌ستانی حزبی وحکومی ئاوه‌ڵاکرده‌وه‌ بۆ تاڵانی و جه‌رده‌یی. ڕۆداوه‌کانی ڕۆژانه‌ به‌ڕۆشنی ئه‌وه‌یان سه‌لماندووه‌ که‌دادگاو قه‌زاکان شتێکیتر نییه‌ جگه‌ له‌ وه‌سیله‌یه‌کی ده‌ستی ده‌سه‌ڵاتداران بۆ داسه‌پاندنی ده‌سه‌لاتی گه‌نده‌ڵکاران و پڕکردنی گیرفانیان له‌سه‌ر حسابی نان و بژێوی خه‌ڵکی هه‌ژارو برسی.  

ئێمه‌ له‌ فیدراسیۆنی سه‌راسه‌ری په‌نابه‌رانی عێراقی سه‌رباری ئه‌وه‌ی داواده‌که‌ین ده‌ستبه‌جێ ئارام به‌ختیار ئازادبکرێ هاوکات گرتنی ڕۆژنامه‌نوسان مه‌حکوم ده‌که‌ین وبه‌ کرده‌وه‌یه‌کی سه‌رکوتگه‌ری ده‌یناسێنین .  ئازادی بیقه‌یدوشه‌رتی کاری ڕۆژنامه‌گه‌ری ده‌بێ وه‌ک مافێکی جێگیر به‌ڕه‌سمی بناسرێ و له‌پێشیانه‌وه‌ ده‌سه‌ڵات و دادگاکان په‌یره‌وی لێبکه‌ن.‌

 

ده‌شتی جه‌مال

سکرتێری فیدراسیۆنی سه‌راسه‌ری په‌نابه‌رانی عێراقی

31/5/2017

About usr_web171_1

Check Also

کارەساتی خنکانی ٥٩ پەنابەر  ئەنجامی سیاسەتی جەنگ و ماڵوێرانی وناجگیری سیاسیە کە هیزە ئیمریالیستیەکان دایانسەپاندوە

ڕۆژی  شەممە ٢٤ شوبات، یەختێك کە لە بنەرەتدا بۆ کاری ڕاوەماسی بەکاردێت و نزیکەی ١٤٠ بۆ …

ئاستەنگیەکانی بەردەم ئازادی رۆژنامەگەریی لەکوردستانو گرنگی هاوپشتی جیهانی

ناونیشانی ئیوارەکۆرێکە لە لەندەن بۆ دیاری محمد بەڕێوەبەری سەنتەری میترۆ بۆ داکۆکیکردن لەمافەکانی رۆژنامەنوسان لە …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *