دیپۆرتکردنەوەی ٧٠ گەشتیار لەتورکیاوە بەتوندی سەرکۆنە دەکەین.

ئەمرۆ هەینی ٢٥ ئابی ٢٠١٧ هیزە ئەمنیەکانی تورکیا بەشیوازێکی نامرۆڤانە ٧٠ گەشتیاری هاوڵاتی کوردستان بەزۆرە ملی دیپۆرتی هەرێمی کوردستانکردوە. ئەم گەشتیارانە لەبەرواری ٤ی ئابەوە لەنزیک ئەستەنبول لە هەڵمەتیکدا دەستگیر کراون پاشان دەگوازرینەوە بۆ گرتوخانەی عوسمانلی لە نێوان ئەدەنەو و غازی ئەنتاب دا بۆ ماوەی سی هەفتە لە زیندان دەمێننەوە. لە کاتێکدا کاتی ڤیزاکەیان کۆتایی نەهاتوە.

 ئامانجی حکومەتی تورکیا لەم کردەوەیە بە بارمتەکردنی گەشتیارانی کوردستانە بۆ فشار خستنەسەر لایەنە سیاسیەکانی کوردستان تا دووکارمەندە ڕفێنراوەکەی بۆ بگەرێنرێتەوە.ئەمە بڕیارێکی سیاسییە، بۆیە دیپۆرتکردنەوەی ٧٠ گەشتیاری کوردستان بۆتە هۆی نائارامی و پشیوی و دڵەراوکێی لە ناو خەڵکی کوردستاندا لێکەوتۆتەوە. ئەمەش لە کاتێکدایە خەڵکی کوردستان هەنگاو دەنین بۆ بەرپاکردنی ریفراندۆم و سەربەخۆیی کوردستان. هاوکات حکومەتی تورکیا بەم هەنگاوە نامرۆڤانەیەی نیازی هاوکاری خۆی بۆ یەکیتی ئەوروپا نیشان ئەدات بۆ جێبەجیکردنی سیاسەتی دژی پەنابەری و کەمکردنەوەی لێشوای پەنابەری بەرەو ئەوروپا.

دیپۆرتکردنەوەی ئەم هاوڵاتیانە کە بۆ گەشتیاری چونەتە تورکیا، سزادانی بەکۆمەڵە و کاریکی نایاسایی و دژ بە ڕیسا و پیوانە نیودەولەتیەکانە و تۆلەسەندنەوەیە لەخەلکیکی بیتاوان. لە ڕوانگەی فیدراسیۆنی سەراسەری پەنابەرانی عێراقییەوە ئەم کارە مەحکومە و پێویستە دەنگی نارەزایەتی خەڵکی کوردستان بەڕوویدا بەرز بکرێتەوە.

 فیدراسیۆنی سەراسەری پەنابەرانی عێراقی لقی کوردستان سەرباری سەرکۆنەکردنی دیپۆرتکردنەوەی ئەو کۆمەڵە گەشتیارە، داوا لە رێکخراوەکانی کۆمەڵگای مەدەنی و حزب و لایەنە سیاسیەکان لە عیراق و کوردستان  دەکات، ناردنەوەی زۆر ملێی ئەو هاوڵاتیانە مەحکوم و شەرمەزار بکەن. هاوکات پێویستە حکومەتی هەرێمی کوردستان بەرپرسیاریتی خۆی نیشانبدا بە دژی ئەم هەڵسوکەوتەی حکومەتی تورکیا بەرامبەر بەهاوڵاتیانی هەرێمی کوردستان و ڕێکاری پێویست بگرێتە پێش بۆ گێڕانەوەی مافەکانیان و زەرەر و زیانەکانیان بۆ قەرەبوبکرێتەوە.

لقی کوردستانی فیدراسیۆنی سەراسەری پەنابەرانی عێراقی

٢٥ئابی ٢٠١٧

About usr_web171_1

Check Also

کارەساتی خنکانی ٥٩ پەنابەر  ئەنجامی سیاسەتی جەنگ و ماڵوێرانی وناجگیری سیاسیە کە هیزە ئیمریالیستیەکان دایانسەپاندوە

ڕۆژی  شەممە ٢٤ شوبات، یەختێك کە لە بنەرەتدا بۆ کاری ڕاوەماسی بەکاردێت و نزیکەی ١٤٠ بۆ …

ئاستەنگیەکانی بەردەم ئازادی رۆژنامەگەریی لەکوردستانو گرنگی هاوپشتی جیهانی

ناونیشانی ئیوارەکۆرێکە لە لەندەن بۆ دیاری محمد بەڕێوەبەری سەنتەری میترۆ بۆ داکۆکیکردن لەمافەکانی رۆژنامەنوسان لە …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *