ڕاگه‌یاندنی فیدراسیۆن سه‌باره‌ت به‌ هێرشه‌ تیرۆرستیه‌كان له‌ فه‌ره‌نسا . هاوخەمی خەڵكی فەرەنسا ین و کردەوە تیرۆریستیەکانی داعش ئیدانە دەکەین!

دۆێنی هەینی ١٣ نۆڤمبەر، رۆژێکیتری خۆێناوی سامناک کرایە بەشی دانیشتوانی پاریسی پایتەختی فەرەنسا وهێمنی وئاسودەیی خەڵکی بێ تاوان لەگەڵ دۆژمنایەتی کۆێرانەی ڕەوتی کۆنەپەرستانەی ڕەشی ئیسلامی داعشدا بەرەو روو کرایەوە، ٨ كەسی بۆمبرێژکراو وچەکدار لە شەش ناوچه‌ی پاریسدا ، شەقام وریستورانت و باڕ ویاریگا وکۆنسێرتیان کردە ئامانجی کرده‌وە تیرۆریستیەکانیان، بەپی ڕاپۆرتەکانی تائیستای پۆلیسی فەرەنسا، بەو هۆیەوە ١٢٩ کەس گیانیان لەدەستداوه‌و نزیک بە ٣٥٢ کەس بریندارن و٩٩ یان برینەکانیان مەترسیدارە.

ئەوشەپۆلە ئینساکۆژییەی ئیسلامیەکان، لە دریژه‌ی کرده‌وەی توندو تیژ وکوشتاری کۆێرانە وهەوسارپچراوی دڕندانه‌ی داعش و لەگەڵیدا سەرجەم بزوتنەوەی ئیسلامی سیاسی یە بە میانڕەو و تیرۆریستیەوە، لە پێناو پچڕێنی بەشە دەسەڵاتی خۆیان لەئاستی جیهان و بەتایبەتی ڕۆژهەڵاتی ناوەراستدا، وەک بزووتنەوەیەکی فاشیستی ، چواردەوری خۆی بۆمبباران دەکات. ئیسلامی سیاسی و داعشەکەیان ،تەنها تیرۆرو تۆقاندن و سەرىڕین دەزانێت، دژ بە خەڵكی مەدەنی، مندال، لاوو پیر و ئینسانە بێ چەکەکان … ئامانجی ئیسلامی سیاسی فەنای ئینسانێکە کە له‌ گەڵیدا نی یە ، ئەمە فەلسەفەی بون و مانەوەیەتی.
کردەوەی تیرۆریستیان لە پاریس گۆشەیەکە لەو تاوانە خۆێناویانەی رۆژانە پیادەی دەکەن لە سوریاو وعیراق ولیبیاو ئەفغانستان ولوبنان ومیسر .
سیاسه‌تی رۆژئاوا وئەمریکاو حکومه‌ته‌کانی ئه‌وروپا لە سازش و پشتیوانی لە حکومەتە ئیسلامی وکۆنەپەرست وحیزب و بزووتنەوە رەنگاو رەنگەکانی ئیسلامی سیاسی لە خۆرهەڵاتی ناوەراست، تا دەستیوەردانی ڕاستەو‌خۆی سه‌ربازی و سیاسی وستراتیژیان، تا هاوکاریان لە جەرگەی ئەوروپادا لەژیر ناوی مەڵتیکالچەرالیزم(فرە فەرهەنگی) بۆ دەستگرتنی ئیسلامیەکان وپەرەدانیان بە جیاکاری وهەلاواردن وخورافەو دواکەوتووی کەلتوری وپەراویزکردنی پەنابەران لە ژینگەی کۆمەڵایەتی ومافە فەردی ومەدەنیەکان ومافی هاوڵاتیبوون.نابێ رێگا پێ بدرێت، نابێت ئەم هەنگاوە نەفرەتلێکراوانە زەمینە خۆشبکات بۆ گەشەی ڕاسیزم و فاشیزم کە ئەم رووداوە بقوزنەوە بۆ نائارامکردن وهەڵگیرساندنی شەری نێوان ئینسانەکان و هەڕەشە بۆ سەر مافە جیهانداگرەکانی.
فیدراسیۆنی سه‌راسه‌ری په‌نابه‌رانی عێراقی لە کاتێکدا زۆر بەتوندی سەرکۆنەی ئەو کردەوە قیزەونە دڕندەیه‌ی داعش دەکات بەرامبەر بە خەڵکی بی تاوانی فەرەنسا، هاوکات هاوخه‌می وماته‌مباری و هاوچاره‌نووسی خۆی به‌که‌سوکاری قوربانیه‌کانی شاری پاریس ڕادەگەیەنێت ، هەروەها تەواوی ئینسان دۆستان وئازادیخوازان بانگه‌وازده‌کات که :
یەکەم: ‌ ده‌ست بخەنە دەستی یەک دژ بە ئیسلامی سیاسی و فشار خستنە سەر ده‌وله‌تانی ڕۆژئاوا وئەمریکاوئه‌وروپا كه‌ ده‌ستهه‌ڵگرن‌ له‌سیاسه‌تی ده‌خاڵه‌ت و پشتیوانی له‌ ده‌سته‌وتاقم و حکومه‌ته‌ کۆنەپەرست وئیسلامی وگروپە تیرۆریست وسه‌رکوتگه‌ره‌کان که‌ خه‌ڵکی ئه‌و کۆمه‌ڵگایانه‌یان له‌گه‌ل شەرو و نائارامی و برسێتی به‌ره‌و ڕووکردۆته‌وه‌.
دووەم: ئەم ڕوداوە سامناک و خەمناکە بکەنە سەکۆیەک بۆ خەباتێکی بێ وچان بە ڕووی حکومەتانی ئەوروپاو سیاسەتی هەلاواردنی ” مەلتیکالچەریزم”، تا هەڵوەشانەوەی تەواوەتی. لە سایەی ئەم سیاسەتەدایە ئەوروپا بوە بە مۆڵگەی ئیسلامی سیاسی و تیرۆریستەکانی وەکو داعش كه‌ لە ڕیگەی کردنەوەی دەیان مزگەوت و سەنتەرە ئیسلامیەکانەوە به‌ کۆمەکی بێدڕیغی سعودی و قەتەرو تورکیا بەریوە دەچن.


فیدراسیۆنی سه‌راسه‌ری په‌نابه‌رانی عێراقی


١٤-١١-٢٠١٥

About usr_web171_1

Check Also

کارەساتی خنکانی ٥٩ پەنابەر  ئەنجامی سیاسەتی جەنگ و ماڵوێرانی وناجگیری سیاسیە کە هیزە ئیمریالیستیەکان دایانسەپاندوە

ڕۆژی  شەممە ٢٤ شوبات، یەختێك کە لە بنەرەتدا بۆ کاری ڕاوەماسی بەکاردێت و نزیکەی ١٤٠ بۆ …

ئاستەنگیەکانی بەردەم ئازادی رۆژنامەگەریی لەکوردستانو گرنگی هاوپشتی جیهانی

ناونیشانی ئیوارەکۆرێکە لە لەندەن بۆ دیاری محمد بەڕێوەبەری سەنتەری میترۆ بۆ داکۆکیکردن لەمافەکانی رۆژنامەنوسان لە …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *