سەردانەکەی سەرۆکی حکومەت بۆ لەندەن، دیپۆرتی پەنابەرانی لێکەوتەوه
usr_web171_1
ئایار 30, 2014
ماڵه‌وه, ناوه‌ندی هه‌واڵگری
803 Views
به‌ریتانیا-فرۆکەخانەی هیسرۆ لە لەندەن ٣٠-٥-٢٠١٤:
هادی کەریم یەکێک لەو ٢٤ پەنابەرەی ماوەی ٤مانگە لە گرتووخانەی دەستبەسەری مۆرتن هۆڵ دەستبەسەرە، لە فرۆکەخانەی هیسرۆ وە لە پەیوەندیەکی تەلەفونی بە سکرتارێتی فیدراسیۆنی ڕاگەیاند” دەستمیان کەلە پجە کردوە وەک ئەوەی تاوانکارێکیان گرتبێ بە چوار پۆلیس، وابریارە کاتژمێرێکی تر دیپۆرتی فرۆکەخانەی نیو دەوڵەتی هەولێرم بکەنەوە”
هادی ئەوەشی ووت” ناردنەوەکەم لە ڕێگای هێڵی ئاسمانی مەلەکی ئەردەنەوە و دواتریش ڕاستەوخۆ بۆ فرۆکەخانەی نیو دەوڵەتی هەوڵیرە و کاتژمیر ٣ دەگەمەوە هەولێر”
هەروەها ووتیشی “داوا دەکەم کاربەدەستانی فرۆکەخانەی هەولێر وەرم نەگرنەوە و ناردنەوەکەم زۆرە ملییە، بەبێ ئەوەی هیچ کاریکی نایاسایم ئەنجامدابێ “
لەپەیوەندیەکی تەلەفونی ناوەندی هەواڵگی فیدراسیۆن لەگەڵ دەشتی جەمال سکرتێری فیداسیۆنی سەراسەری پەنابەرانی عێراقی سەبارەت بە ناردنەوەی ئەو پەنابەرەو هەوڵەکانی فیدراسیۆن ووتی”بەداخەوە ئەگەر چی ماوەی یەک مانگە لەئاستی بەریتانیاو ژمارەیەک لەولاتەکانی ئەوروپا کەمپینێکمان ڕاگەیاند بۆ بەرگرتن بەناردنەوەی ئەوە ٢٤ پەنابەرە لەگرتووخانە دەستبەسەرەکاندا بەلام سەردانی ئەم دواییانەی نیچیرڤان بارزانی سەرۆکی حکومەت و وەفدی یاوەری بەخاتری کۆنتراکتی نەوت وبەتاڵانبردنی داهاتی کوردستان نەک هەر بەربەستێک نین لەبەردەم ناردنەوەی بەزۆری پەنابەران بەڵکو هاتنەکەیان سیاسەتی بەزۆر ناردنەوەی پەنابەرانی لێکەوتەوە”
دەشتی ئەوەشی ووت”پەنابەرانێک بەهەزارویەک دەردەسەری ونارەحەتی وموجازەفەکردن بە ژیانیانەوە تا گەیشتونەتە ئەم وڵاتانە بەڵام ئەوە حکومەتی هەرێمە ساتو سەوداوبازرگانی بەژیانی پەنابەرانەوە دەکەن”
دەشتی ووتیشی”داوا لە خەڵکی ئازادیخوازو ئینسان دۆستی کوردستان وڕێکخراوەکان وئەولایەنانەی مەسەلەی پەنابەرانیان بۆ گرنگە لە ئاست ئەم سیاسەتە دژی ئینسانیەی حکومەتی هەرێم بینەدەنگ وسنورێک بۆسیاسەتی هاوکاری دیپۆرتی پەنابەران دابنیێن”
IFIR-Ku فیدراسیۆنی سەراسەری پەنابەرانی عێراقی
