ته‌رمی ئه‌وهاوڵاتیه کورده‌ی له فه‌ره‌نسا ژیانی له‌ده‌ستدا گه‌یشته‌وه کوردستان
usr_web171_1
كانونی یه‌كه‌م 9, 2019
ماڵه‌وه
377 Views
کوردستان6/12/2019:
هاژین محمد به‌رپرسی نوسینگه‌ی لقی کوردستانی فیدراسیۆنی سه‌راسه‌ری په‌نابه‌رانی عێراقی به ناوه‌ندی هه‌والگری فیدراسیۆنی راگه‌یاند”زانا ئه‌حمه‌د ئه‌و په‌نابه‌ره‌ی 25 مانگ له یه‌کێک له نه‌خۆشخانه‌کانی شاری لیل له وڵاتی فه‌ره‌نسا ژیانی له‌ده‌ستدا ئەم بەیانیە کاتژمێر٣ ته‌رمه‌که‌ی گه‌یشته‌وه ئامیزی که‌سوکاری له گوندی موان نزیک عەربەت”
هاوژین ئه‌وه‌شی ووت”که‌سوکاری تیچونی ناردنه‌وه‌ی ته‌رمه‌که‌ی له ئه‌ستۆ گرتوه کاروباره ئیداریه‌کانی له‌لایه‌ن فیدراسیۆن وکۆنسلی گشتی عێراق له پاریسه‌وه جێ به‌جێکراوه”
هه‌روه‌ها وتیشی “سوپاسی پاریزگاری سلێمانی وبه‌رێوه‌به‌رایه‌تی سه‌نته‌ری فریاکه‌وتن ده‌که‌ین له دابینکردن وناردنی ئوتۆمبیلی فریاگوزاری بۆ گێرانه‌وه‌ی ته‌رمه‌که له‌فرۆکه‌خانه‌ی نیو ده‌وله‌تی هه‌ولێره‌وه بۆ شاری سلێمانی”
زانا ئه‌حمه‌دی ته‌مه‌ن 31سال هاولاتی شاری سلیمانیه وماوه‌ی 9 مانگ له‌یه‌کێک له‌گرتوخانه‌کانی ولاتی فه‌ره‌نسا زیندان بووه و رۆژی 25 ئه‌م مانگه له یه‌کێک له نه‌خۆشخانه‌کانی شاری لیل ژیانی له‌ده‌ستداوه.پۆلیسی فه‌ره‌نسا ڕایگه‌یاندوه ڕووداوه که خۆکۆژی بووه.
سه‌باره‌ت به‌و رووداو فیدراسیۆنی سه‌راسه‌ری په‌نابه‌رانی عێراقی ڕایگه‌یاندوه که هه‌وڵ به‌دوادا چوونه‌کانیان به‌رده‌وام ده‌بێت له‌گه‌ل حکومه‌تی فه‌ره‌نسا و ده‌زگا په‌یوه‌ندیداره‌کاندا له‌سه‌ر چۆنێتی ئه‌م ڕووداوه ومه‌رگی ئه‌و په‌نابه‌ره .
IFIR-Ku فیدراسیۆنی سەراسەری پەنابەرانی عێراقی
