لە لەندەن خۆپیشاندان دژی ناردنەوەی پەنابەران ڕێکدەخرێت

3

لە ئێستادا زیاتر لە ٣٠ پەنابەر، کە زۆربەیان ھاوڵاتی ھەرێمی کوردستانن، لە لایەن پۆلیسی بەریتانییەوە دەستگیرکراون بۆ ناردنەوەیان و دووسبەی پێنج شەمەیش لە لەندەن دژی بەزۆرناردنەوەی ئەو پەنابەرانە، خۆپیشاندان ڕێکدەخرێت.

فیدراسیۆنی سەرانسەری پەنابەرانی عێراقی لە بەیاننامەیەکدا، ئیدانەی ئەو ھەوڵەی حکومەتی بەریتانیا دەکات و بە کارێکی نا یاسایی و نا ئینسانی وەسفی دەکات.

فیدراسیۆنی پەنابەران، دەڵێت ڕۆژی پێنج شەممە ١٣/٤/٢٠١٧دژی ئەم کارەی حکومەتی بەریتانیاو عێراق، کەمپینێکی ڕێکخستووەو لەیەکەم ھەنگاویشیدا خۆپیشاندانێک لەبەردەم وەزارەتی ناوخۆی بەریتانیا ڕێکدەخات.

ھەفتەی ڕابردوو وەفدێکی حکومەتی عێراقی سەردانی ئەو پەنابەرانەی کردووە تا ئاسانکاری بۆ ناردنەوەیان بکات، بەڵام بەپێی بەیانەکەی فیدراسیۆنی پەنابەران، لەلایەن ئەو کۆمەڵە پەنابەرە دەستگیرکراوەوە پێشوازی نەکراون و ناچارکراون بەڕۆیشتن.

لەنێو ئەو پەنابەرە دەستگیرکراوانەدا کەسانێکی تێدایە زیاد لە ١٠ ساڵ و ١٥ ساڵە لە بەریتانیان، بەڵام تا ئێستا وەڵامیان نەبوە.ا 

ھەروەک بڕیارە ئەمڕۆ پەنابەرێکی خەڵکی شاری کەرکوک بەناوی ئاراس ڕەسوڵ لەڕێگەی فڕۆکەخانەی بەغدادەوە بنێرنەوە.

ئێوارەی ئەمڕۆ سێ شەممەیش،

لە لێدوانێکی تەلەفونیدا، ئاراس کە لەنێو ئۆتۆمبێلێکی پۆلیسدا بوو لە فڕۆکەخانەی ھیسرۆی لەندەن، وتی من و  بە کەلەپچەیی ھێناوە بۆ فڕۆکەخانە تا بمننێرنەوە.

ئاراس ڕەسوڵ، تەمەن ٣٦ ساڵ، ماوەی ١٠ ساڵە لە بەریتانیایەو داوای پەنابەرییەکەی ڕەتکراوەتەوە