گرتن و ڕزگارکردنی پەنابەران لەتورکیا پۆلیسی ئێشکگری دەریایی یۆنانیش جگە لەڕێگری و توندوتیژی بەرامبەر بەپەنابەران ڕووبەڕووی مەرگیشیان دەکاتەوە
usr_web171_1
شوبات 7, 2022
ماڵه‌وه, ناوه‌ندی هه‌واڵگری, هەواڵ
198 Views
ئەزمیر: ڕێکەوتی ٣١/١/٢٠٢٢ سێ پەنابەر دوای گەیشتنیان بە سنوری دەریایی یۆنان و نزیکبونەوەیان لە دوورگەکان لەلایەن پۆلیسی ئێشکگری یۆنانیەوە دەستگیردەکرێن و هەرچی پێیان بوە لە جل و بەرگ و پارەو مۆبایل و پاسپۆرت لێیان دەستێنن دواتر دەیان بەنە نزیک سنوری دەریایی تورکیا لە ناوچەی چەشمێ سەر بە شاری ئەزمیرەوە بەبێ هیچ کەرەستەیەکی ڕزگارکردن دەیانخەنە نێو دەریاوە دوو لەپەنابەرەکان توانیان بەمەلەوانی و هێزی پاڵنینەری شەپۆلەکانەوە بگەنە کەناردەریا پەنابەرێکیشیان بەهۆی نەزانینی مەلەوە تائێستا نادیارە دوای ئاگادارکردنەوەی پۆلیسی ئێشکگری دەریایی تورکیا لەڕووداوەکە دووپەنابەرەکە لەکەنارەکە ڕزگارکران و گەڕان و پشکنینیش بەدوای پەنابەرە بێ سەروشوێنەکە بەردەوامە.
لەهەمان ناوچە لەڕێکەوتی ٢٩/١/٢٠٢٢ ٣٧ پەنابەر ڕزگارکران کە پێشتر دوای گەیشتنیان بەسنوری دەریایی یۆنان لەلایەن پۆلیسی ئێشکگری دەریایی یۆنانەوە دیپۆرتکراونەتەوە هەر لەشاری ئەزمیر لەڕێکەوتی ٢٨/١/٢٠٢٢ لەناوچەی دیکیلی ١٧ پەنابەر ڕزگارکران کە پێشتر دوای گەیشتنیان بە سنوری دەریایی یۆنان لەلایەن پۆلیسی ئێشکگری دەریایی یۆنانەوە دیپۆرتکراونەتەوە مۆغەڵا: لە ڕێکەوتی ٢٩/١/٢٠٢٢ لە چەند کاتێکی جیاوازدا لەناوچەی مەرماریس سەر بەشاری مۆغەڵا ٧٢ پەنابەر ڕزگار کران کە پێشتر دوای گەیشتنیان بە سنوری دەریایی یۆنان لەلایەن پۆلیسی ئێشکگری دەریایی یۆنانەوە دیپۆرتکراونەتەوە هیوا خدر: ئەندامی فیدراسیۆنی سەراسەری پەنابەرانی عێراقی لەتورکیا
IFIR-Ku فیدراسیۆنی سەراسەری پەنابەرانی عێراقی
