دەستگیرکردنی پەنابەران لەتورکیا بەردەوامە تەرمی پەنابەرێکیش دۆزرایەوە

3

دەستگیرکردنی پەنابەران لەتورکیا بەردەوامە تەرمی پەنابەرێکیش دۆزرایەوە

بالیکسیر:

بەرەبەیانی ئەمڕۆ ڕیکەوتی ٦/٨/٢٠٢١ لەناوچەی ئەردەک سەر بەشاری بالیکسیر لەلایەن جەندمەی شارەکەوە لە نێو دوو بارهەڵگردا ١٨٠ پەنابەر دەستگیرکران
کە پێک هاتبوون لەپەنابەرانی هەریەک لە ووڵاتانی
١٠٦ پەنابەری پاکستانی
٤٦ پەنابەری ئەفغانی
٢٦ پەنابەری بەنگلادیشی
٢ پەنابەری سووری
گشت پەنابەرەکان ڕەوانەی بەڕێوەبەرایەتی کۆچ و کۆچبەرانی شارەکە کراون تاوەکو ڕێکارەکانی دیپۆرتکردنەوەیان بۆ ووڵاتەکانیان ئەنجامبدرێت

وان:
ئەمڕۆ ڕیکەوتی ٦/٨/٢٠٢١ لەناوچەی مرادیە سەر بەشاری وان لەلایەن شوانێکەوە تەرمی پەنابەرێک دۆزرایەوەو لایەنە ئەمنیەکانی لێ ئاگادار کرایەوە دوای گەیشتی هێزی ئەمنی و تیمی پزیشکی بۆ سەر تەرمەکە بەپێی زانیارییە سەرەتاییەکانی پۆلیس تەرمەکە پەنابەرێکی ئەفغانیە وە بۆ مەبەستی توێکاری و هۆکاری مردنەکەی تەرمەکە ڕەوانەی پزیشکی دادوەری شارەکە کرا.