با له دژی به‌زۆر ناردنه‌وه‌ی په‌نابه‌ران ده‌نگی ناڕه‌زایه‌تی هه‌ڵبڕین!
usr_web171_1
نیسان 11, 2017
ماڵه‌وه, ناوه‌ندی هه‌واڵگری
398 Views
له خۆپیشاندانی به‌رده‌م وه‌زاره‌تی ناوخۆی به‌ریتانیا بۆ ڕاگرتنی ناردنه‌وه‌ی به‌زۆری په‌نابه‌ران له‌گه‌ڵمان به‌شداربن
ڕۆژی پێنجشه‌مه:13 /4/2017
کاتژمیر:5 تا 7 ئێواره
شۆێن: به‌رده‌م وه‌زاره‌تی ناوخۆ له له‌نده‌ن
Home Office, 2 Marsham St, London, SW1P 4DF
نزیکترین ئیستگای قیتاری (Westminster; St James Park😉
زیاتر له 30 په‌نابه‌ر که‌زۆربه‌یان هاوڵاتی هه‌رێمی کوردستانن، له‌لایه‌ن هێزه‌کانی پۆلیسی به‌ریتانیاوه، گیراون وله گرتوخانه ده‌ستبه‌سه‌ره‌کاندا به‌دیار سیاسه‌تی دیپۆرته‌وه ڕاگیراون. ئه‌م په‌نابه‌رانه که‌له‌هه‌ڵمه‌تێکدا له‌لایه‌ن پۆلیسی به‌ریتانیاوه ده‌ستگیرکراون ودوای ئه‌وه‌ی وه‌فدی حکومه‌تی عێراقی هه‌فته‌ی ڕابردو سه‌ردانی گرتوخانه‌کانیان کرد، تا نه‌خشه‌ی ناردنه‌وه‌ی زۆر ملیی په‌نابه‌ران دابڕێژن، که‌وتنه به‌رده‌م ناڕه‌زایه‌تی په‌نابه‌ره‌کان و وه‌فده‌که بێ ئاکام گرتوخانه‌که‌یان به‌جێ هێشت. تا ئێستا ئه‌و په‌نابه‌رانه له گرتوخانه‌کاندا بێ لێ پرسینه‌وه هێشتویننه‌ته‌وه وله‌به‌رده‌م هه‌ڕه‌شه‌ی دیپۆرتکردنه‌وه‌دان بۆ به‌غدا، له کاتێکدا زۆربه‌ی ئه‌و په‌نابه‌رانه زیاتر له 15ساڵه له ولاتی به‌ریتانیا ژیان به‌سه‌ر ده‌به‌ن و ژنو مناڵیان هه‌یه.
فیدراسیۆنی سه‌راسه‌ری په‌نابه‌رانی عێراقی له درێژی هه‌وڵه‌کانی خۆیدا دژ به‌م هه‌ڵسوکه‌وته نامرۆڤانه‌یه‌ی حکومه‌تی به‌ریتانیا وعێراق به‌رامبه‌ر به په‌نابه‌ران که‌مپه‌ینێکی سه‌راسه‌ری به‌ڕیخستوه‌و له هه‌نگاوی یه‌که‌مدا خۆپیشاندان ده‌باته به‌رده‌م وه‌زاره‌تی ناوخۆی به‌ریتانیا به به‌شداری ئه‌ندام په‌رله‌مانی ئه‌وروپا له‌سه‌ر لیستی حزبی سه‌وز.. داوا له په‌نابه‌ران و ئازادیخوازان و داکۆکیکاران له مافه‌کانی په‌نابه‌ران ده‌که‌ین له‌م خۆپیشاندانه ناڕه‌زایه‌تیه له‌گه‌ڵماندا به‌شداری بکه‌ن تا ئه‌م زه‌ختو زۆره له‌سه‌ر په‌نابه‌ران هاوسه‌رو مناله‌کانیان هه‌ڵگرین وبه‌ربگرین به دیپۆرتی ئه‌م په‌نابه‌رانه.
بۆ زانیاری زیاتر په‌یوه‌ندی بکه‌ن به ژماره ته‌له‌فونه‌کانی :07856032991.07804891082
IFIR-Ku فیدراسیۆنی سەراسەری پەنابەرانی عێراقی
