بەریتانیا –لەندەن٢٤-٥-٢٠٢٢:
لەنامەیەکدا کە وینەیەکی بەناوەندی هەوالگری فیدراسیۆن گەیشتوە سەبارەت بە ڕاگرتن ودیپۆرتکردنەوەی پەنابەرانی کورد لە گرتووخانەکانی بەریتانیا ، دەشتی جەمال سکرتیری فیدراسیۆنی سەراسەری پەنابەرانی عێراقی پریتی پاتیل وەزیری ناوخۆی بەریتانیا بەرپرس دەکات لە ئەمنیت وسەلامەتی ژیانی ئەو پەنابەرانەی کە بریارە کۆتایی ئەم مانگە دیپۆرتی فرۆکەخانەی نیو دەولەتی هەولیر بکرێنەوە.
لەنامەکەدا هاتووە”داواتان لیدەکەم چاوبخشیننەوە بەو بریارەی داوتانە و دەستبەجێ دیپۆرتی ئەو پەنابەرانە راگرن و ئازادیان بکەن ولەمافی پەنابەری بەهرەمەندیان بکەن وکۆتای بەورێکەوتنەتان بهینن کە لەگەل دەسەلاتدارانی کوردستان کردوتانە”
هەر لەنامەکەداهاتووە”ئەو پەنابەرانەی ئیوەدەستگیرتانکردون ژنومنالیان هەیە ومافی پێکەوژیانیان هەیە لەبەریتانیا ،ێیویستە حکومەتی بەریتانیا ڕێز لەمافەکانی پەنابەران بگرێت وپابەند بێت بەبریاری نیو دەولەتیەکان لەباری مافەکانی پەنابەرانەوە”
لە ئیستا دا زیاتر لە ٤٠ پەنابەر کە زۆربەیان هاولاتی هەرێمی کوردستانن لەژمارەیەك لە گرتووخانەکانی بەریتانیا ڕاگیراون وابریارە دیپۆرتی فرۆکەخانەی نیو دەولەتی هەولیر بکرینەوە .فیدراسیۆنی سەراسەری پەنابەرانی عێراقی کەمپەینێکی راگەیاندوە لە پێناو بەرگرتن بەدیپۆرتی ئەو پەنابەرانە وئازادکردنیان.
دەقی وینەی نامەکە بەزمانی ئینگلیزی هاوپێچە
چاوەروانی هەواڵی زیاتر بن.
لەندەن-گرتووخانەی هارموندسورس٢٠٢٢:
نەژاد یەکیك لەو پەنابەرە کوردانەی لە گرووخانەی دەستبەسەری هارموندسورس راگیراوە بە ناوەندی هەواڵگری فیدراسیۆنی ڕاگەیاند”تەنها لەم گرتووخانەی ئێمە تائیستا ١٤ پەنابەر تیکتیان پێداون کە ٣١ئەم مانگە دیپۆرتی فرۆکەخانەی نیو دەوڵەتی هەولیرمان بکەنەوە”
بانگەوازێك لە فیدراسیۆنی پەنابەرانەوە: بەشداربن لە خۆپیشاندانی ناڕەزایەتی دژ بەناردنەوەی زۆرەملێی پەنابەران بۆ کوردست
رۆژی سێ شەممە: ٢٤/٥/٢٠٢٢
کاتژمێر: ٢ی پاشنیوەرۆ
شوێن: بەردەم وەزارەتی ناوخۆ لەلەندەن
2 Marsham St, London SW1P 4DF
نزیکترین ئیستگای قیتار: Westminster Station and St. James’s Park
لەندەن-گرتووخانەی هارموندسورس٢٠٢٢:
پەنابەرێکی کورد لە گرووخانەی دەستبەسەری هارموندسورس نزیك فرۆکەخانەی هیسرۆ لە لەندەن بە ناوەندی هەواڵگری فیدراسیۆنی ڕاگەیاند”دۆینی لەکاتی ئیمزاکردنی پۆلیس دەستگیریانکردم وتیکتیان پێداوم کە ٣١ئەم مانگە دیپۆرتی فرۆکەخانەی نیو دەوڵەتی هەولیرم بکەنەوە”
ئەو پەنابەرە ئەوەشی ووت”خاوەنی خێزان وچوار منالەم وە ٢١سالە لە ولاتی بەریتانیا ژیان دەکەم ،نامەوێت لەخێزان ومنالەکانم دابڕیم”
هەروەها ووتیشی ” داوا دەکەم کاربەدەستیانی فرۆکەخانەی هەولێر وەرمان نەگرنەوە بەخاتری رازیکردنی دلی حکومەتی بەریتانیا ژینمان لی تێك نەدەن ، ئێمە لیرە ژیانمان دامەزراندوە وگەرانەوەمان زۆرە ملییە نەك ئارەزوومەندانە “
لەپەیوەندیەکی تەلەفونی ناوەندی هەواڵگری فیدراسیۆن لەگەڵ دەشتی جەمال سکرتێری فیداسیۆنی سەراسەری پەنابەرانی عێراقی سەبارەت بە ناردنەوەی ئەو پەنابەرەو هەوڵەکانی فیدراسیۆن ووتی”ئەگەر چی ماوەی چەند سالە گیرانەوەی زۆرەملی پەنابەران بەرهەمی هەولەکانی فیدراسیۆن ڕاگیرابوو، بەلام بەداخەوە وادیارە سەردانەکەی ئەم دواییانەی مەسروربارزانی سەرۆکی حکومەت و وەفدی یاوەری زیاتر بووە لە گریبەستی غازو نەوت وبەتاڵانبردنی داهاتوسامانە سروشتیەکانی کوردستان، ئەم جارە دانیشتەکەیان لەگەل پریتی پاتیل وەزیری ناوخۆ سیاسەتی بەزۆر ناردنەوەی پەنابەرانی لێکەوتۆتەوە”
دەشتی ئەوەشی ووت” ئەو هەڵومەرجە سەختەی ژیانکردن لە کوردستان بەشێک لە هاولاتیانی ناچارکردوە بەهەزارویەک دەردەسەری ونارەحەتی خۆیان بگەیەننە ولاتانی ئەوروپا بەڵام لیرەش ئەوە حکومەتی هەرێمی کوردستان وحزبەکانێتی کە دەست لەیەخەی هاولاتی رزگاربووی ژیر سایەی دەسەلاتە سەرکوتگەریەکەیان ناکەنەوە و ساتو سەوداوبازرگانی بەژیانی پەنابەرانەوە دەکەن . هەربۆیە پیویستە پەنابەران بەهێزی ریکخرابوونیان ئەم سیاسەتە دژی مرۆیە پوچەڵ بکەنەوەو سەرانی ئەو حکومەتە لەدەرەوە بدەنە بەرنەفرەت ونارەزایەتی”
دەشتی ووتیشی” ئێمە تەواوی هەولەکانی خۆمان لەدەرەوەو ناوەوەی کوردستان خستۆتە گەر بۆ راگرتنی ئەو سیاسەتە قیزەوەندو ئازادکردنی ئەو پەنابەرانە لە گرتووخانەکانی بەریتانیا .داواش لە خەڵکی ئازادیخوازو مرۆڤ دۆست وڕێکخراوەی داکۆکیکارلە پەنابەران دەکەین لە ئاست ئەم سیاسەتە دژی مرۆییەی حکومەتی هەرێمی کوردستان وحکومەتی بەریتانیا بیدەنگ نەبن وسنورێك بۆسیاسەتی دیپۆرتی پەنابەران دابنیێن”
لە ئیستەدا لە گرتووخەنەی دەستبەسەری هارموندسورس لەلەندەن پێنج پەنابەری کورد راگیراون وبریارە پێچەوانە بەخواستی خۆیان دیپۆرتی فرۆکەخانەی نیو دەوڵەتی هەولێرو سلێمانیان بکەنەوە.
پەنابەرێکی کورد ئەمرۆ ١٢مەی ٢٠٢٢ لە جەنگەڵی دەنکێرك لە فەرەنساوە بە ناوەندی هەواڵگری فیدراسیۆنی ڕاگەیاند” لەم جەنگە ڵەدا ژمارەمان لە زیاتر لە ٢٠٠ پەنابەر دەبێت وەهەروەها خێزانەکانیش نزیك ٢٠ خێزان دەبن لەناویان دا مناڵی زۆر هەیە کەتەمەنیان لە یەك ساڵەوە تیایەتی تا وەکو پێنج ساڵ، بەڕاستی شەوان دارستانەکە زۆر ساردە کێشەی زۆری ئاومان هەیە ،پەنابەرەکان زۆرەو ئاوەکە کەمە، پەنابەرمان تیایە دە ڕۆژ زیاترە خۆی نەشۆردوە لەسەرو هەموو ئەو شتانەوە پۆلیسی فەڕەنسا زۆر خراپ لەگەڵ پەنابەران مامەڵە دەکات،جار جار دێت خێمەکان تێك دەدات، بەپاسەوە دێن خەڵك ئەگرن پێنج شار ئەولاتر دوریان دەخاتەوە ئەمانیش هیچ پارەیەکیان پێ نەماوە تابگەڕێنەوەلامان”
ئەوەشی ووت’ئەو پەنابەرانەی لەم شوێنە کۆبۆتەوە دەیانەوێ بگەنە بەریتانیا ودیارە زۆرینەی پەنابەرەکان خەڵکی کوردستانی عیراقن وە لەنیومانیشدا پەنابەری سوریو ئەفغانیو ئێرانیشی تێدایە هەموانن بێکێشە شەو ڕۆژ دەکەینەوە”
سەبارەت بە هەڵوێستی ڕێکخراوەکانی داکۆکیکار لە پەنابەران ووتی”لەم جەنگە لەدا بە بەردەوامی رێکخراوە مرۆڤ دۆستەکان هاوکاریمان پیشکەش دەکەن”
هاوکات فیدراسیۆنی پەنابەرانی عێراقی لە بەڕیتانیا ڕایانگەیاند’لەماوەی ئەم مانگەدادەیان پەنابەرکەبەشیکیان خێزانن وهاوڵاتی هەریمی کوردستانن پەیوەندیان بە فیدراسیۆنەوەکردوەو داوا ڕێنماییانکردوە”
مۆغەڵا: ڕێکەوتی ٧/٥/٢٠٢٢ لەناوچەی منتشی سەر بەشاری مۆغەڵا لەئاکامی وەرگەڕانی ئۆتۆمبێلێکی پەنابەراندا دوو پەنابەری ئێرانی برینداربوون ڕەوانەی نەخۆشخانەی ناوچەکە کران پەنابەرانی تری ناو ئۆتۆمبێلکە پێش گەیشتنی پۆلیس شوێنی ڕووداوەکەیان بەجێهێشت گەڕان و پشکنین بەدوایاندا لەلایەن پۆلیسەوە دەستی پێکرد
ئەزمیر: ڕێکەوتی ٧/٥/٢٠٢٢ لەناوچەی چەشمێ سەر بەشاری ئەزمیر ٣٧ پەنابەر ڕزگارکران کە دوای گەیشتنیان بە یۆنان دیپۆرتکرابوونەوە کە پێک هاتبون لەپەنابەرانی ( ٢٥ لیبریا ، ٩ یەمەن ، ٣ ئەریتریا ) لەهەمان ڕێکەوت و شار لەناوچەی ئۆرلاش ٣١ پەنابەر دەستگیرکران کە ژن و مبداڵیش لەنێوانیاندابوون لەناوچەی دیکلیش لەهەمان شار لەڕێکەوتی ٦/٥/٢٠٢٢ ٤١ پەنابەر ڕزگارکران کە پێشتر لەلایەن یۆنانەوە دیپۆرتکرابوونەوە
ئایدن: لەناوچەکانی سەر بەشاری ئایدن دوای دەستگیرکردنی ٢١٣ پەنابەری ئەفغانی و پاکستانی تەواوکردنی ڕێکارەکانی دیپۆرتکردنەوەیان لەڕێکەوتی ٧/٥/٢٠٢٢ لە ڕێگای فڕۆکەخانەی ئیستەنبوڵەوە دیپۆرتی ووڵاتەکانیان کرانەوە
بالاکسیر: ڕێکەوتی ٧/٥/٢٠٢٢ لەناوچەی ئایڤالیک سەر بەشاری بالاکسیر ٣٤ پەنابەر دەستگیرکران کە بەنیازبوون بپەڕنەوە بۆ دوورگەی لیسبوسی یۆنانی لە هەمان شارو ناوچە لەڕێکەوتی ٦/٥/٢٠٢٢ ٣٨ پەنابەری تر دەستگیرکران کە هەر بەنیازبوون بپەڕنەوە بۆ دوورگەی لیسبوسی یۆنانی
هیوا خدر/ ئەندامی فیدراسیۆنی سەراسەری پەنابەرانی عێراقی لەتورکیا
مۆغەڵا: ڕێکەوتی ٥/٥/٢٠٢٢ لە ناوچەی بۆدرووم سەر بەشاری مۆغەڵا ٨٣ پەنابەر ڕزگارکران کە پێشتر لەلایەن پۆلیسی ئێشکگری دەریایی یۆنانەوە دیپۆرتکرابوونەوە لە هەمان شارو ڕێکەوت لەناوچەی فەتحیەش ٢٩ پەنابەر دەستگیرکران
ئەزمیر: ڕێکەوتی ٥/٥/٢٠٢٢ لەناوچەکانی چەشمێ و سەفیرهیسارو دیکیلی سەر بەشاری ئەزمیر ١٩٦ پەنابەر ڕزگارکران و سێ کەسیش بەتۆمەتی قاچاخچی لەنێو پەنابەرەکان دەستگیرکران
ئایدن: ڕێکەوتی ٥/٥/٢٠٢٢ لەناوچەی کوشاداسێ سەر بەشاری ئایدن ٦١ پەنابەر ڕزگارکران کە پێشتر لەلایەن پۆلیسی ئێشکگری دەریایی یۆنانەوە دیپۆرتکرابوونەوە
بالاکسیر: ڕێکەوتی ٥/٥/٢٠٢٢ لەناوچەی ئایڤالیک سەر بەشاری بالاکسیر ٧٢ پەنابەر دەستگیرکران کە بەنیازبوون بپەڕنەوە بۆ دوورگەی لیسبوسی یۆنانی
هیوا خدر/ ئەندامی فیدراسیۆنی سەراسەری پەنابەرانی عێراقی لەتورکی
لەناوەندی هەواڵگری فیدراسیۆنەوە
فیدراسیۆن ئاماری دەستگیرکردنی پەنابەران لەچوار مانگی ئەمساڵ لە تورکیا ڕادەگەینێت
لەڕێکەوتی ١/١/٢٠٢٢ تا ڕێکەوتی ڕێکەوتی ٢٨/٤/٢٠٢٢ کۆی گشتی ئەو پەنابەرانەی لە تورکیا دەستگیرکراون بریتیە لە ٦٥ هەزارو ٥٦٩ پەنابەری نەتەوە جیاواز کە پەنابەرانی ئەفغانی لە پلەی یەکەمدان بە ٣٢ هەزارو ٢٠٩ پەنابەر کە دەستگیرکراون هەروەها بەپێی لێدوانی بەرپرسانی ئیدارەی شاری ئیستەنبوڵ زۆرترین ئەو پەنابەرانەی لەماوەی چوار مانگی سەرەتایی ئەم ساڵ لەتورکیا دەستگیرکراون لەشاری ئەستەنبوڵ دەستگیرکراون بەرپرسانی پارێزگاو پۆلیس و کۆچ و کۆچبەرانی شاری ئیستەنبوڵ ڕایانگەیاند لەڕێکەوتی ١/١/٢٠٢٢ تا ڕێکەوتی ٣/٥/٢٠٢٢ ٢٥ هەزارو ٦٤٤ پەنابەر لەشاری ئیستەنبوڵ دەستگیرکراون کە پەنابەرانی ئەفغانی لەپلەی یەکەمدابوون بە ١١هەزارو ٩٣٦ پەنابەر کە دەستگیرکرابوون کە لەو ژمارەیە ٨هەشت هەزارو ٧٧٣ پەنابەریان ڕاستەوخۆ دیپۆرتی وەڵاتەکانیان کراونەتەوەو وە ١٢ هەزارو ٦٨٤ پەنابەریش ڕەوانەی شارەکانی تر کراون بۆ ئەنجامدانی ڕێکارەکانی دیپۆرتکرانەوەیان بۆ ووڵاتەکانیان هەروەها یەک هەزارو ٩٣٣ پەنابەریش دراون بەدادگا سەبارەت بەو پەنابەرانەشی بەیاسایی لەشاری ئیستەنبوڵ دەژین بەپێی یاسایی پەنابەرێتی ( الحيماية الدولية و الحيمايةةالمؤقتة ) بریتیە لە ٧٦٣ حەوت سەدوو شەست و سێ هەزار پەنابەری نەتەوە جیاواز کە ٥٤٢ هەزاریان پەنابەری سورین بەپێی یاسایی پەنابەرێتی ( الحيماية المؤقتة )
هەروەها پۆلیسی شاری ئیستەنبوڵیش ڕایگەیاند لەماوەی دوو ڕۆژی ڕابردوودا ٥٨٢ پەنابەریان دەستگیرکردووە لەگەڕەکەکانی ( بییۆغڵۆ و فاتیح ) وە ڕەوانەی بنکەی تۆزلا کراون بۆ ئەنجامدانی ڕێکارەکانی دیپۆرتکردنەوەیان
هەروەها سەبارەت بە ژیان لەدەستدانی پەنابەران لەماوەی چوار مانگی ڕابردوودا لەسنوری تورکیا بریتیە ١٦٧ پەنابەر کە ژیانیان لەدەستداوە ژمارەی ئەو قاچاخچیانەشی دەستگیرکراون بریتیە لە دوو هەزارو ٥٧٧ قاچاخچی
سەبارەت بەدەستگیرکردنی پەنابەرانی هەرێمی کوردستان و عێراقیش لەماوەی چوار مانگی ڕابردووی سەرەتایی ئەم ساڵ بریتیە لە نۆسەدوو ٩٩ پەنابەر کە دەستگیرکراون کە ئەمەش ڕێژەیەکی کەمە لە ئاست پەنابەرانی تر هۆکارەکەشی دەگەڕێتەوە بۆ قورسکردنی پێدانی فیزای تورکیا بە هاووڵاتیانی هەرێمی کوردستان و عێراق هەروەها پەنابەران بەناچاری رێگایتر دەگرنە بەر بەمەبەستی گەیشتن بە ووڵاتانی ئەوروپا .
